Dmr nung Artificial Limbs aser Calipers angati agütsütsü

Dimapur, July 27 (TYO): Shree Digamber Jain Samaj, Dimapur kübok Shri Digamber Jain Charitable Clinic-i tetsüng maketer nem ‘Artificial Limbs’ aser Polio agi shiranger nem ‘Calipers’ angati agütsüba sentong ka ayongzüka agitsü, ta Shri Digamber Jain Charitable Clinic Secretary, Narendra Pandya-i sangdong ka nung metetdaktsü.
July 29, 2017 nü Jain Charitable Clinic, Jain Temple Road, Dimapur nung anepdang 9:00 ako nungi 4:00 ako tashi nisung tenüng züluoktsü aser iba mapang patients indang tasazük reprangtsü aser anogo ishika lir külen, parnok nem Artificial Limbs & Calipers agütsütsü, ta sangdong nungsa shia lir.
Iba dak sendakba osang tejangja metetnürtemi tsünglanglen agüja alirtem den tongteprateptsü akok.
Narendra Pandya, Secretary, Shri Digamber Jain Charitable Clinic. Phone : 9436002161
Sanjay Binaykia, Joint Secretary, Phone 9436008290
Kishore Gangwal , Joint Secretary Phone 9774001995