INSPIRE Science Exhibition and Project Competition, 2017 nung Vivotsonuo Sorhie-i takok angu

July 27, 2017 nü SCERT Kohima nung State level INSPIRE Science and Project Competition, 2017 nung shilem agirtem tangokba noksa angur.

Dimapur, July 27 (TYO): July 27, 2017 nü SCERT, Kohima nung INSPIRE Science Exhibition and Project Competition, 2017 agi.
Delhi nung INSPIRE Awards- MANAK Scheme atema national level competition nung tokteptsüpurtem shimtsü atema iba tetoktepba ayonga agi.
Tanü tetoktepba nug Mezhur Higher Secondary School nungi Vivotsonuo Sorhie-i mezüngbuba jenjang takok angu. Lai model of electric generation from natural plants sayua liasü.
Tanabuba jenjang nung St. Mary’s Cathedral Higher Secondary School nungi Vijayanand V. Thomas aser tasembuba nung Vikesel’s Vision School nungi Kumari Akancha nati takok angu.
August 9, 2017 nü Dimapur nung exhibition shilem tanabuba agitsü aser iba nung exhibition models 80 shi ka sayutsü.
Dimapur nung agiba part II exhibition competition nung tanga model 2 shimtsü aser item denji Vivotsonuo Sorhie-i yangluba model dena Delhi nung national exhibition alidang Nagaland tenüng nung shilem agitsü.
State level INSPIRE Science exhibition and Project competition 2017 indang mezüngbuba shilem nung Kohima, Wokha, Mokokchung aser Zunheboto district tem nungi school 14-i shilem agia liasü.