Food & Civil Supplies dept-i metetdaktsür

Dimapur, July 28 (TYO): July 14-15, 2017 anogotem New Delhi nung Jt. Secretary, Ministry of Consumer Affairs, Food & Public Distribution, Government of India menden sür State/UTs Secretaries nungi Food & Civil Supplies senden amendang, Ration Cards den Aadhaar sendaktepba mapa tekaratiba nung inyaktsü mepishia metetdaktsüogo.
Iba nung ajemdaker Nagaland nung Assistant Director of Supply-i Aadhaar den Ration Cards sendaktepba mapa inyaktsü tetuyuba agütsüogo.
Aadhaar den sendaktepba mapa meinyakba ajanga India sorkari jangotsü magütsüra, iba tebilemtsüji District Officer temi abentsü, ta tanü sorkar sangdong ka nung metetdaktsü.