Aug 3 nü Kma DC office-i gari maitdaktsütsü

Dimapur, August 1 (TYO): August 3, 2017 anepdang 8:00 ako nungi by-election indang votes azüngtsü aliba nung ajemdaker, anepdang 6:00 ako nungi Deputy Commissioner & Returning Officer, Kohima indang office-i gari maitdaktsütsü, ta Kohima Deputy Commissioner, Rajesh Soundararajan, IAS-i sangdong ka nung metetdaktsü.
Iba tenokdangbaji votes azüngba maparen metembang tashi aütsü, anungji ajaki iba tetuyuba sülen anidaktsü metetdaktsür, ta Kohima Deputy Commissioner-isa ashi.