NPF-i rongdak senden amentsü jateper

Dimapur, August 1 (TYO): Naga People’s Front (NPF)-i August 2, 2017 nikongdang 5:00 ako nung Central Office Bearers (Parent Body) rongdak senden ka Central Office, Kohima nung amentsü ayongzüker, ta KG Kenye, M.P (RS) & Secretary General, NPF-i sangdong ka nung metetdaktsü.
Maneni August 2 anepdang 11:00 ako nung Central Office, Kohima nungsa Central Frontals aser Cell (Youth/Women/Farmers’/Minority and Legal) den senden ka amentsü, ta KG Kenye-isa ashi.
Party Temzüng Arrla No. V Clause 3 nung tashi agüja aliba nung ajemdaker Dr. Shurhozelie Liezietsu-i senden anaprongla amentsü jateper. Anungji züngsem ajak arua adentsü mepishir, ta paisa sangdong nung metetdaktsü.