India nung International Video tem rongnung Shape of You timtiba repranger

New Delhi, August 5 (Agencies): Grammy Award ngur alisang kentener Ed Sheeran indang ken ‘Shape of you’ ya International video tem rongnung India nung timtiba repranger.
Iba ken ya January ita sayaa liasü aser iba ken indang video ya nisung aikati yanglushia tena lir.
“Iba ken sayaba nü onoki iba ken nüngtugu akümtsü ta meteter liasü. India nung oshi aser India nunger style balala nung iba ken yanglushir aliba ajanga nisung aikati iba ken ya sapuba sayur. India nungeri iba ken ya asenok indang ken kümdaktsüogo aser iba atema nema danga bilemer,” ta Sony Music Entertainment India, Director- International Music and Publishing Arjun Sankalia-i ashi.
“Shape of you ya India nung international video tem rongnung timtiba reprangba video kalir aser taküm küm tatemi iba ken video repranger million 300 ajungtsü imlaa atar,” ta Sankalia-isa ashi
Iba ken ya Nielsen Music 2017 Mid-Year Top 10 Selling Digital Songs rongnung temaba jenjang nung lir.