AR-i nisung ka ket nungi prangpong apu

Kohima, August 05 (TYO): Nisung ka ket nung prangpong bena lir ta intelligence osang ka ajanga angazükba sülen July 31, 2017 nü HQ IGAR (North) kübok 3 Assam Rifles sepaitem den police densema New Market Area mita ao, ta tanü Assam Rifles-i sangdong ka ajanga metetdaktsü.
Mita aodang Assam Rifles sepaitemi nisung ka ket nungi ozüng alema Pt 22 mm Pistol ka den magazine bena aliba apu, aser pai iba prangpongji Kohima nung yoknüa liasü, ta pai nangzük.
Iba nisungbaji Pushou Shiured’er jabaso Chetei Shiu lir ta jangjaogo; maneni bushisüngdangtsü atema pa den pa ket nungi apubaji OC, North Police Station, Kohima ket nung agütsüogo, ta AR sangdong nungsa shia lir.