Miss Nagaland 2017 atema BASN-i campus audition tenzüktsü

Kohima, August 07 (TYO): August 12 nü Miss Nagaland 2017 atema campus auditions Kohima distict nung aliba college pezü nung tenzüktsü, ta tanep Dream Cafe, Sers Bazar, Kohima nung osangbenertem senden ka nung Beauty & Aesthetics Society of Nagaland (BASN)-i metetdaktsü.
Campus audition ji August 12 nü Alder College nung; Sazolie College nung August 21 nü; St Joseph College, Jakhama nung August 25 nü aser Science College, Jotsoma nung August 25 nü akatsü.
Iba tetoktepba nung shilem agitsü atema teletatba rongnung- tetoktepertemji Nagaland senso ka asütsüla aser December 2017 tashi nung arishi küm 18 nungi arishi küm 25 tsüngdapurtem asütsüla aser tar tajemba agia feet 5 ser inch 5 bo asütsüla aser kibong makümer asütsüla.
BASN züngsem, Meme Pucho-i, iba campus audition ajanga taküm Hornbill Festival mapang Miss Nagaland 2017 nung shilem agitsü jangrartem nem maongka agütsür, ta metetdaktsü.
Campus audition agiba sülen September 6 nü Ura Hotel, Kohima nung preliminary audition alitsü aser tanga district ajak nungi final open audition alitsü.
Iba tetoktepba nung takok anguri state tenüng nung national aser international level nunga shilem agitsü.
Taoba mapang Miss Nagaland aser Miss North East, Tiarenla Jamir-i, tesüiba mapangtem nung tetoktepertemi modelling industry nung junga inyakdar aser state tenüng nung North East, national aser international sabangtem nunga shilem agiogo, ta metetdaktsü.
Osangbenertem senden nung BASN nungi Lanutoshi Lemtur, Mele Pucho, Tiarenla, Neitho Khamo, Lipok Lemtur, Moanen Jamir aser Lichan Humtsoe nunger liasü.
BASN ya 1991 küm register asü aser a989 nungi tenzüka tesüiba küm 25 tashi parnoki Miss Nagaland beauty pageant ayongzüka arudar.
Jamir-isa taoba mapangtem nung takokertemi state nem konang nüngsang balala bener arutsüba metetdaktsü, item rongnnung Miss East India 1995 – Ms Rachel Imchen; Miss North East 1998; Miss Luit 2002 and Sony My Miss India; Miss Elite 1st runner up 2005; Miss North East 2006; Miss Luit 2nd Runner up 2013; Miss India Elite 1st Runner up 2015, Miss Pan continental International Finalist 2015 and Miss Asia Pacific super talent India 2016; Miss North East Jewel Queen 2016 and Miss Queen East, Miss Queen of India 2016; Yamaha Fascino Femina Diva East Region winner and Get Gorgeous winner dena liasü.