August 22 nü India nung bank shibangtsü

Mumbai, August 7 (Agencies): India nung banking sector nung temelenshi asüba aser tanga onüktem atema United Forum of Bank Unions (UFBU)-i August 22, 2017 nü lungkak aitba sentong ka agitsü.
UFBU ya linük nung sorkar indang bank kübok employee unions 5 aser officer unions 4 indang telok lir.
“Bank tem nungi sen apuba meyipa angutsü atema mapa inyaktsü melena memorandum of understanding (MoU), prompt corrective action (PCA), Financial Resolution and Deposit Insurance (FRDI) Bill, Ordnance on non-performing assets (NPAs) aser Insolvency and Bankruptcy Code (IBC) amala mapatem ang tenzüker aser item inyakyim yagi sen meyipa angutsü melena sen apua aliba ajak agientsür” ta All India Bank Employees’ Association (AIBEA), general secretary, CH Venkatachalam-i ashi.
August 22, 2017 nü lungkak aitba sentong nung Union 9 nungi mapa inyaker lakh 10 shi kati shilem agitsü. Teloktemji- AIBEA, All India Bank Officers Confederation (AIBOC), National Confederation of Bank Employees (NCBE), All India Bank Officers Association (AIBOA), Bank Employees Federation Of India (BEFI), Indian National Bank Employees Federation (INBEF), Indian National Bank Officers Congress (INBOC), National Organisation Of Bank Workers (NOBW) aser National Organisation Of Bank Officers (NOBO) tem lir, ta Venkatachalam-isa metetdaktsü.
“Onoki iba osang sangoktsüogo. August 22, 2017 nü banking sector ajunga nung lungkak aittsü” ta paisa shisem.
Tawa tu State Bank of India (SBI) aser Bank of Baroda nati savings deposits nung interest ajemogo. Linük nung bank tulutiba SBI-i savings deposit interest ajemba ajanga küm nung sen crore 4,400 ajangzüktsü ta shiogo, saka parnoki corporates tulutemi sen apua alibabo agienogo, ta Venkatachalam-isa ashi.