NABARD-i Mkg nung NGOs atema Refreshers Program katsü

Mokokchung, August 09 (TYO): August 8, 2017 nü Mokokochung district nung melungtet teloktem (NGOs) atema NABARD-i District Level Awareness Programme ka katsüogo.
Iba sentong ya Imchawati Kichu, Chairman, Care and Support Society, Mokokchung leniba nung agi.
Sentong nung DDM, NABARD, Mokokchung S.Amarjit Mangang-i NABARD-i, NABARD-i achaayanga promotional aser terenlok schemes balala inyakba indang metetdaktsü.
Shilem agirtem dang pai Farmers Club, Self Help Group aser Joint Liability Group programmes indang metetdaktsüba den külemi NGOs dang item ama sentongtem inyakba nung NABARD den yariteptsü aser bank tem atema business facilitator ama inyaktsü ajungshia metetdaktsü.
Paisa NABARD ajanga inyakba Central Government Sponsored Schemes balala indang metetdaktsü.
Branch Manager, NStCB, Mokokchung Branch, N. Kikon-ia Priority Sector Lending kübok inyakba sector balala indang metetdaktsüba den külemi priority sector lending indang lemsatepa liasü.
Paisa iba dak sendakba nung NGOs temi teinyaktsü shilem indang lemsatepba den külemi NGOs dang nüburtem dang banking inyakyim indang sayutsü mepishi.
Sentong nungsa Branch Manager, Nagaland Rural Bank, Mokokchung Branch, Kr. Changkimenla-ia financial planning indang onük jembia liasü.
Laisa NGOs tem dang yimtsüng nung alirtem dang saving account lapoktsü aser sen rizünga ayutsüji koda tongtibang, iba tesayuba agütsütsü ajungshia liasü.
Laisa PMJDY, PMSBY, PMJJBY aser APY densema bank nung anguba schemes aser maongka balala indang lemsatepa liasü.