WUNPPCL-i Aug 11 nungi National Highway 2 mokdangtsü

Dimapur, August 9 (TYO): August 9, 2017 anogo nung Worker’s Union Nagaland Pulp & Paper Company Ltd. (WUNPPCL) puri ayonga Tzüdikong yimten den mensem ka mena tang koba timtem ajanga WUNPPCL-i August 11, 2017 anepdang nungi National Highway 2 telatet makai noktanga longkak aittsü sangokja ali iba indang jembi aser Tzüdikong yimtenia iba nung akok tashi nungittsü ta shiogo, ta Tzudikong Ad-Hoc Town Committee sangdong ka nung metetdaktsü.
Tzüdikong yimtenisa Govt nung ketdangsürtemi tekaratiba nung lenmang tajung kar bushia inyaktsütsüla ta mepishia metetdaktsü.
Talisa WUNPPCL-i koba bandh ayonga lir yangji Tzüdikong Public ajaki tashi angaa aremzüka atadi ta metetdaktsür, ta TATC sangdong nungsa shia lir.