Pakistan-i kiralongraba nung dang rangloker: BJP

New Delhi, August 23 (Agencies): Tanü Bharatiya Janata Party (BJP) lenir Sidhharth Nath Singh-i, Pakistan-i National Security Advisor (NSA)-level senden nung shilem maginer kechiyong iba senden ya kiralongraba onük nung ranglokba senden ka lir, ta ashi.
“Pakistan-i NSA senden nung adentsü maru, kechiyong iba senden nung kiralongraba ken o jembitsü liasü. Ken o jembitsü sentong methinentsü alidang yongi Hurriyat den ken o mejembitsü atema August 2014 nung India-i lateta liasü,” ta Singh-i ashi.
“Iba ya ajanga, ken oji (1972) Shimla Agreement nung ajemdaker dang jembitsü tangatetba aser tasembuba party ka malitsü nung sorkar noktakba temaitsü sayur,” ta paisa ashi.
Singh-isa ashiba agi, ken o jembiba aser kiralongraba na külemi motettsü ta India-i aiben shiogo.
Honibar ayaterm nung Pakistan-i India den NSA-level senden amentsü aliba sentong thinenja liasü.