Chennai, August 16 (Agencies): United Forum of Bank Unions (UFBU)-i Mumbai nung Indian Banks` Association (IBA) den olemtep aliba nung obang meputepi tembang, anungji August 22, 2017 nü linük ajungalen lungkak aittsü ayongba sentong agitsü ta metetdaktsü.
UFBU ya Indian banking sector nungi telok 9 loktepba tentet ka lir. India banking sector nung inyakyim melenshiba aser tanga onüktem atema UFBU-i August 22 nü lungkak aittsü sentongji ayongzük.
“Senden nung onoki benokba onüktem atema telangzüba tajung mangu, anungji August 22 nü lungkak aitba sentong agitsü” ta All India Bank Employees` Association (AIBEA), General Secretary, C.H. Venkatachalam-i osangbener dang ashi.
“Onoki akhangba onüktem asoshi telangzüba tajung kecha magütsüi IBA-i onok dang lungkak aitba sentong athitsü mepishi, saka ibaji onoki magizük” ta All India Bank Officers Confederation (AIBOC), General Secretary, D. Thomas Franco Rajendra Dev-ia osangbener dang ashi.
Chief Labour Commissioner-i Aug 18 nü New Delhi nung senden ka amentsü atema United Forum of Bank Unions (UFBU) jaokogo.
Aug 22 nü Bank mapa inyakertem lungkak aittsü added by asungba on
View all posts by asungba →
You must be logged in to post a comment Login