Tenemtsüng lima asoshi sarasademtsüla

Dimapur, August 23 (TYO) : Naga nungertem kiyonger state ajanga süidang timtem anguba ya mengui Naga lima nung dang senzütsü asoshi Foothill Road yanglutsü lemtetba asoshi state sorkar dang pelar, kechiyong iba yagi Naga nunger Mon, Longleng, Tuensang, Mokokchung aser Zunheboto tashi nungi senzüsenpongertem anisüngzüktsü ta BJP lenir Wb.N.Hotongse Sangtami metetdaktsü.
Iba mapa takok ngua renemtettsü asoshi state sorkari NLCPR sen nungi agütsütsüla aser Naga nunger ajaki lumia sarasademtsüla ta paisa mepishia metetdaktsü.