Defence Minister Manohar Parrikar-i J&K semdang

Jammur, August 23 (Agencies): Deobar nü Defence Minister, Manohar Parrikar-i Jammu & Kashmir nung security tensa reprangshimba den külemi Ladakh arrtsülen sepaitem tashi reprangdangogo.
Defence Minister den chief of Army Staff General Dalbir Singh na tanü Leh tonga aru.
Iba mapang Manohar-i J&K nung tongtibang ketdangsertem den ajurutepa senden agi aser idangji security, bendangertem arrtsü adena aitba aser border security indang onüktem lemsatep, ta defence ketdansgertemi ashi.
“Iba mapang General officer Corps 14 Corp-i Defence Minister dang tensa aser Ladakh arrtsülen defence maparen indang osangtem metetdaktsü,” ta defence otongdar Col SD Goswami-i ashi.
Deobar nü Defence Minister den külemi army chief aser Army Commander nungertemi Leh nung aliba Defence Institute of High Altitude Research semdang aser idakji DG R&D-i institute indang osang lemsatep.