MDLSA aser ZDLSA-i legal awareness sentong ayonga agi

August 19, 2017 nü Care Counseling Center, Mokokchung nung Mokokchung District Legal Services Authority (MDLSA)-i temesepba mozü achiba indang legal awareness ka ayongzüka katsüba sentong nung CCC nungi züngsemtem aser MDLSA züngsemtem tangokba noksa nung angur.  

Dimapur, August 19 (TYO): August 19, 2017 nü Care Counseling Center, Mokokchung nung Mokokchung District Legal Services Authority (MDLSA)-i temesepba mozü achiba dak sendakba nung legal awareness ka ayongzüka katsüogo.
Sentong nung Chief Judicial Magistrate & Secretary MDLSA, Phuleto Yepto-i court facility aser welfare schemes indang onük jembi aser shisalen sayur, Imkong Jamir Retainer Lawyer MDLSA-i NSLSA scheme aser legal service balala indang jembia liasü.
Zunheboto: Kasa anogo nung Zunheboto District Legal Services Authority (ZDLSA)-i D.C Conference hall Zunheboto nung Dobashis atema legal sensitization programme ka ayonga katsü.
Sentong nung District & Session Judge aser Chairman ZDLSA, Neichochiyi Suyie-i okila jembi aser Additional Deputy Commissioner Zunheboto, Vekhoyi Chakesang aser Additional Superintendent of Police Zunheboto, Relo Aye natia o tatsütsü jembia liasü.
Sentong nung Retainer Lawyer ZDLSA, Tovi Z. Yeptho-i Nagaland Village Council Act 1978 aser Rule of Administration of Justice & Police in Nagaland 1937 onük nung jembi.
Public Prosecutor Zunheboto, J. Khetoholi Yepthomi-i district nung Dobashis teinyaktsü shilem onük nung jembi, aser laisa Consumer Protection Act1986, Motor Vehicle Act 1988 aser Juvenile Justice (Care & Protection) Act 2005 indanga metetdakja liasü.
Kohima: August 18, 2017 nü Legal Aid Clinic Kohima College, Kohima nung Kohima Legal Services Authority (KDLSA)-i züngsem 20-i akümba literacy club ka tenteta liasü.