J&K, Handwara nung telungpur 3 tepset

Srinagar, August 23 (Agencies): North Kashmir, Kupwara district nung army den kahtepba mapang telungpur asem tepsetogo.
Telungpurtem aliba tesem indang osang tejangja ka lazükba sülen yasüng Srinagar nungi kilometer 100 shi pila oor Handwara jila kübok aliba Khumhair arem nung army temi telungpur mita aoba mapang parnok tsüngda kahtep tenzük, ta tanü Army tongti ketdangser kati ashi.
“Iba operation mapang kiralongrar asem tepset aser ka yirutsüogo,” ta ketdangserisa ashi.
Pai ashiba agi, tang tashi nungbo telungpurtem maitsü aser parnok adenba telokji mejangjateti lir.