KPC, DPC-i Yazokie asüba mangyimer

Dimapur, August 24 (TYO): Information & Public Relations Additional Director, Dominic Yazokie anojungi asüba atema Kohima Press Club (KPC) aoksar aser mangyimer, ta KPC-i tanü sangdong ka ajanga metetdaktsü.
“Asür Dominic ya osangbenertem atema tebuti ka ama liasü. Pa asüba ajanga KPC aser lokti atema ajemalur ketdangser ka makai kümogo. KPC-i mangyimer kibong den mangyim lemsateper aser parnok nem tesünep agüjang ta sarasademtsür,” ta sangdong nungsa shia lir.
Ano külen Dimapur Press Club (DPC)-ia, IPR Additional Director, Dominic Yazokie mapang tatsüka shiranga aruba sülen August 24, 2017 nü asüba osang angashia DPC-i mangyimer, ta sangdong ka ajanga metetdaktsü.
DPC-i mangyimer kibong den mangyim lemsateper aser Tsüngremi asür nem tatem maka anisüngzük agüjang ta sarasademtsür, ta DPC-isa shisem.