ACAUT-i nija aser lokti tentet balala ajak dang pelar

Dimapur, August 27 (TYO): August 25, 2017 nü Dimapur nung ACAUT Nagaland-i ayongba lokti senden nung nisung 65,000 shi aden; iba ya state otsü nung lokti senden tulutiba liasü, aser iba senden nung Naga nungeri longsoa adenba atema pelar, ta tanü Media Cell ACAUT Nagaland-i sangdong ka ajanga metetdaktsü
ACAUT-isa lokti tentet balala, talisa district balala nungi o jembirtem aser Hope Academy den C-Edge College nungi lanur kaketshirtemi ochimashi anema tebilemba jembiba aser Naga yimtenren onüktem indang jembiba atema pelar, ta ACAUT-isa metetdaktsü.
ACAUT-i CTYO (Chumukedima Town Youth Organization) aser PSAN nungi volunteers danga pelar. CAVCA, DEEHA, CTYO, Chakroma Public Organization, NTC, CNTC, DUCCF, ASTD aser tribal youth organizations aser kaketshir tentet balala nungi lenirtemi züngsemtem ajungshiba aser social media nung blogger temi iba senden nung adenba atema pelar, ta sangdong ajanga ashi.
“Onokisa, NHRA-i osangbenertem anenzükdakja achaayangba, Dreamz Unlimited-i iba rally dak sendakba video adokba, kentenertemi lokti ajungmesoba, Grill-In-i volunteer densema nisung 200 nem chiyungtsü agütsüba, Music Channel-i sound system agütsüba den stage aser iba dak sendakba nung yariba aser Crescendo-i stage den külemi ‘Drone’ amshia video tangokba atema parnok ajak dang pelar,” ta ACAUT-i metetdaktsü.
“Maneni Innovation Printers-i flex banners agütsüba, Rengma Selo Zi-i background stage banner tenla agütsüba, Super Market Tenant Association aser CTYO nati placards agütsüba aser blogger temi yimyim “War Against Corruption: The Battle to Reclaim the Land” agütsüba atema pelar,” ta sangdong nung shia lir.
“CNTC aser Press Point (Tir Yimyim) nati parnok indang office control rooms ama amshidaktsüba, DDADU aser Pick-Up Vans Drivers & Owners Union-i rally nung adentsüpurtem belenba, Global Chapter-i coverage agütsüba, press-i electronic aser national media coverage agütsüba, Police Commissioner-i rally akatsü atema temelaba agütsüba aser rally nung shilem agirtemi tenla, sen 2,60,730/- agütsüba atema pelar,” ta sangdong nungsa shia lir.
Maneni ACAUT-isa nija aser lokti tentet balalai senotsü aser tzü agütsüba atema pelar, ta metetdaktsü.