BJP Minority Morcha, Dmr-i Ghaspani I & II Mandal den senden amen

Dimapur, August 27 (TYO): August 26, 2017 nü Bharatiya Janata Party – Minority Morcha, Dimapur District-i TL Angami Park nung Ghaspani I & II Mandal den tour program ka agi, ta BJP Minority Morcha Dimapur District Tir, Biplab Sangma-i sangdong ka ajanga metetdaktsü.
State Minority Morcha, BJP Tir, Makibur Rahman iba sentong nung tongti tesemdanger ama aden aser Dr. Ajit Mech, Retd. CAMO, Nagaland tetushi tejaoker ama aden.
Sentong nung jembidang Rahman-i India sorkar; Ministry of Minority Affairs indang scheme balala indang metetdaktsü, aser itemji linük nung minority tem taküm jenjang ajungkettsütsü atema lir, ta metetdaktsü.
Paisa lokti dang ochimashi maliba sorkar ka yangertsü aser lenla ajaklen terenlok alitsü atema longjemer inyaktsü ayongzük.
Ano Ajit Mech-ia Centre nung BJP-i aniba sorkari sensakertem aser tepetzük tia nung alirtem atema social aser medical schemes balala benoka inyakba indang metetdaktsü.
Iba senden ya Biplab Sangma, President, BJP Minority Morcha, Dimapur District leniba nung amen aser Believers Church, Ekrani Pathar Pastor, Hanshton K. Sangma-i sarasadema liasü.
Richard Haolai, General Secretary, BJP Minority Morcha, Dimapur District-i lokti pelaa agizük aser Subash Lama, Vice President, BJP Minority Morcha Dimapur District-i tepela anküp o jembia liasü, ta sangdong nungsa shia lir.