Throttle Thrust 2015 September nung akatsü

Mokokchung, August 23 (TYO): Mokokchung jila kümteter küm 125 ajungba nüngtem nung Spearhead Motorsport Initiative (SMI)-i Honibar nü “Throttle Thrust 2015” September 11-12 anogotem nung akatsü ta metetdaktsüogo. Iba anogo ana amungba sentong ya Imkongmeren Sports Complex, Mokokchung nung akatsü.
Throttle Thrust 2015 ya ibala mesükba sentong rongnung mezüngbuba asütsü aser taküm nungi tenzüka iba sentong ya küm shia amungtsü SMI tebilemba lir, ta parnoki metetdaktsü.
Iba sentong nung Motocross, Autocross aser Jeepcross sentong akatsü. Iba den külemi SMI-isa car expo aser motorsport den sentakba asayatem Mokokchung nung tan mezüngsüa ayongzüktsü.
Iba tetoktepba nung telmsatemji yamai alitsü:
Autocross class I-SUV, Class II- Above 1000, Class III- Below 1000
Motocross: Class I – Open category, Class -II- North-East Open,
Jeepcross: Class I – Local Jeeps only. Jeepcross telemsa nung Mokokchung nung aliba jeep tejentem dang shilem agitettsü. Iba tetoktepba nung senpetji sen lakh 3 tashi agütsütsü lemteta lir.
Throttle Thrust 2015 nung shilem agitsü asoshi August 23 nü nungi tenzüka Mokokchung nung Imprint aser Car Parlor, Trap (Kohima) aser Café Destination (Dimapur) nungi registration form angutsü. September 9 nü tashi nung form ajak bendenseptsü.
Tanga tesem nungi arua shilem agitsüpur asoshi SMI-i tanendak agütsütsü.
Iba dak sentakba nung nüngdak asüngdangyatsü asoshi 9862050755, 9862471127 (Mokokchung), 9402679386 (Dimapur) aser 9436418853 (Kohima) mesüra SMI meyong official facebook page:www.facebook.com/spearheadmotorsport ajanga tonteprateptsü metetdaktsür.
Mokokchung kümteter küm 125 ajungba metetdakja SMI-i ayongzüka August 3 nü ‘road trip awareness’ munga jila nung aliba garitem nem temaloktsü lemja liasü.
SMI-i ayongba ‘Throttle Thrust 2015’ ya ajanga Mokokchung quasquicentennial amungba nung shilem tulu ka peridaktsütsü.