August 25 nü Naga consultative meeting alitsü

Dimapur/Imphal, August 23 (Agencies): Tawa India sorkar aser NSCN (IM) tsüngda ‘Framework Agreement’ agiba atema August 25, 2015 nü Niathu Resort, Dimapur nung Naga consultative meeting alitsü.
Angazükba agi, iba senden nung Naga nunger litsü ajak nungi teloktem aser public lennirtem adentsü.
Senden nungsa NSCN (IM) General Secretary Thuingaleng Muivah, Lok Sabha MP Neiphiu Rio aser tanga lennirtemi o jembitsü.
August 25 anepdang 10:00 ako nung Arunachal Pradesh, Assam, Manipur aser Nagaland nungi tongti teloktem adenshitsü aser lennirtemi o jembiba sülen olemtepba mapang agitsü, ta osang angazüker.
Ajisüaka, Sumi Hoho-i anir Sumi nunger tongtipang teloktembo NSCN (IM)-i ayongzükba senden nung madentsü ta metetdaktsüogo.
Ano, Hokolbarnü GPRN/NSCN-i MIP ajanga sangdongba nung Nagaland nung aliba nübortemi NSCN (IM) aser India sorkar tsüngda tetezü maliba yimjung tenangzüktep magizüktsü ta metetdaktsüogo.