Manipur nung ILP onük lepa bener arur

Imphal, September 4 (Agencies): Manipur nung maneni Inner Line Permit System (ILPS) atema lokti sentong agitsü osang sangoktsüogo.
“Tesüiba mapang metetdakja aliba ama asüng nungi ILP atema campaign tenzüktsü,” ta JCILPS convenor Arjun Telheiba-i Hombarnü osangbener dang ashi.
Asüng lokti sentong ka ayongzüka agitsü aser idangji “State Assembly winter session nung ILP atema Bill ka agizüktsü” aser “taruba 5 buba Panchayat General election nung Non-local nisungtemi shilem magitsü mesüra vote magütsütsü” indang takhangba agüja yimyim ayimoktsütsü, ta Telheiba-isa metetdaktsü.
Lokti sentongji JCILPS office nungi tenzüktsü aser Wahengbam Leikai, Sagolband, Uripok, Khoyathong o Wangkhei tesemtem sema senzütsü.
JCILPS-isa tan ita tsüngda Manipur nung lisopur telok 34 nungi teshimtet nübotem den mungdang ka alitsü sentong lir.