Steinmeier-i October ita Iran semdangtsü

Berlin, August 24 (Agencies): Germany Foreign Minister, Frank-Walter Steinmeier-i küm 10 tsüngda nung tan mezüngsüa Iran semdanger küma, taküm October ita tetenzülen Iran semdangtsü sentong renemogo.

“Tawa Iran den nuclear tezüngzüktep takok ngua agiba sülen ozü linük ana tsüngda tanaben sendaktepshitsü kanga tongtipang kümogo aser iba yongji, ozü lenir, Steinmeier-i taküm October ita Iran semdanga Iran lenirtem den ajuruteptsü sentong renema lir,” ta foreign ministry otongdar, Martin Schaefer-i tanü metetdaktsü.

Taoba mapang nung Germany linük ya Iran den shishilembaba linük tongti ka liasü aser tan Iran-i alima linüktem den tesendaktep tajungba küma yanglushitsü tenzükba sülen par Germany-ia taoba mapang ama tajangzük tulu ngua Iran den tanaben shishilembatsü alizüng yua lir.

Ajisüaka, par lenisangi Iran semdangtsü den sentakba osang tejangjabo Schaefer-i tanü memetetdaktsü.