Parliamentary Secy. Longrineken-i CSI indang Nagaland Chapter tenzüktsü

Sept. 08, 2017 nü CSI Nagaland Chapter tenzükba sentong nung Parliamentary Secretary, Longrineken, CSI aser IT&C Directorate Nagaland nungi ketdangsertem adenba noksa nung angur.  

Kohima, September 08 (TYO): Northeast nung State Chapter of Computer Society of India (CSI) tenzükba mezüngbuba state ji Nagaland kümogo.
Tanü nikongdang Directorate of Information Technology nung Information Technology & Communication Parliamentary Secretary, Dr Longrineken-i linük nung CSI Chapter 75buba (Nagaland) aser Northeast nung mezüngbuba tenzüktsü; iba sentong nung CSI Tir, Sanjay Mohapatra aser taoba mapang CSI Tir, Dr Anirban Basu nata liasü.
Iba sentong nung jembidang Dr Longrineken-i, “CSI indang state chapter tenzükba ajanga Naga nunger lanurtema networking ajanga IT lenirtem aser scientist rongnung adentsü imlar,” ta metetdaktsü.
“IT sector nung tesülenpur dang süaka Nagaland-i IT tsütsü terenlok kanga nguogo,” ta paisa ashi.
“Information technology & Communication ajanga state indang loktiliba aser terenlok nükjidongtem rajemtsüsa lenmang aika agütsür ta meteta Nagaland sorkari e-governance takok ngua inyaktsü atema maparen tenzükogo,” ta paisa metetdaktsü.
IT & C department nükjidongji linük nungi aser bendanglen nungi senotsü indoka inyaktsü atema Nagaland ya tongtibang tesem ka akumtsü aser e-governance mapatong ajanga nüburtem nem technology teyari agidaktsütsü aser IT-enabled services agütsütsü atema lir.
Dr Longrineken-isa, Nagaland ya North East tesem nung CSI headquarters kümdaktsütsü atema akokba tashi CSI den amalitepa inyaktsü, ta metetdaktsü.
CSI Tir, Sanjay Mohapatra-ia, “CSI mission ji IT telemsa balala nung professional nisungtem nem career enhancement agütsütsü, research agitsü, shisatsü lemsateptsü aser angazüktsü atema lir,” ta metetdaktsü.
Paisa, CSI ya India nung mezüngbuba aser computer professionals tentet tulutiba lir; iba ya March 6, 2016 nü computer professional kari tenzük, aser tangbo national tentet ka kümogo, ta metetdaktsü.
Iba sentong ya Commissioner & Secretary IT&C, K.D. Vizo leniba nung agi, aser Additional Director & HoD, Tongtiliba Longkumer-i tepela anküp o jembia liasü.