Dimapur nung sen taila bena alir nisung 3 apu

Dimapur, September 14 (TYO): Sept. 13, 2017 anepdang 6:00 ako meta Dimapur police-i nisung asem (tebur ana, tetsür ka) ket nungi sen taila, Fake Indian Currency Notes (FICN) apu; FICN ji Assam kübok Lakhimpur district nungi Dimapur tonga bener arur Blue Hill Station nung bus nungi ayazüka aludang apu, ta tanü Addl. Dy. Commissioner of Police/PRO, Dimapur, Nagaland-i sangdong ka nung metetdaktsü.
Par asem anema East Police Station nung ken o ka benokogo, aser bushisüngdang tenzükogo.
Bushisüngdang ajanga bushitetba agi, tashioktsürtem inyakyimji, mejangjaba phone number ajanga chichiba sen aser sen taila- ratio 1:5 nungi 1:10 tashi nung melenteptsü atema nisungtem mesüzüker aser tesülenbo takoksa ajurur.
“Item ama tatalokba aika lir, anungji Dimapur Police-i sensotem dang item ama phone call atema kümdanga alitsüla aser tangar nem mashiokdaktsütsüla ta metetdaktsür. FICN dak sendakba nung aibelentemji (sen taila yangluba, ayokba, aliba, meshizükba, amshiba, bena aliba) Indian Penal Code (IPC) kübok aibelen tulu lir aser aibelenra taküm piyong tepoukdak ayutsüa akok,” ta kasa sangdong ajangasa metetdaktsü.