NSF asayamong nung shilem agitsü shiti angudak metetdaktsür

Kohima, August 24 (TYO): 16 buba NSF Martyrs’ Memorial trophy nung shilem agitsü shiti Kohima nung Angami Students’ Union (ASU) office, Sports world, Zumvü printex aser Dimapur nung Kiran Sports nung angutsü osang ka ASU Games & Sports Secretary, Vizokho Zashümo-i tanü sangdong ka ajanga metetdaktsüogo.

Iba shitiji temunoba agi taruba September ita 11 nü tashi nung ASU ketdangpur ket tongtsütsü metetdaktsüba den külemi, iba asayamong indang fixture taruba September ita 12 nü renemtsü ta paisa metetdaktsü.