Khristan doctor temi tenük indang microchip tendangtsü

London, September 20 (Agencies): United Kingdom(UK) nung microchip tasen ka yangluba ajanga India nung Khristan doctor temi tenük majungertem nükpok tia nungi kümzüktettsü.
Iba microchip jagi minute ishika tsüngda tenük nung komo metettsü aser Tamil Nadu state kübok Vellore nung aliba Christian Medical College nung tenük majungertem dak tendangtsü.
University Hospital Southampton NHS Foundation Trust nung ophthalmologists aser engineer temi microchip ji yanglutet.
University of Southampton nung University of Southampton Professor Myron Christodoulides-i ashiba agi, “” UK adena orr, sensak tia nung aliba linüktem nung tenüng majungertem tekaraba nung putettsü aser antibiotic treatments agütsütsübaji kanga nüngdak lir.”
E.coli ama bacteria temi tenük mejungi kümdaktsüba putetogo aser ibaji ghonda 48 nungi hopta ana tsüngda nunga bushiteter.
Professor Christodoulides-isa ashiba agi, microchip tasenbaji kanga jangratemtsüka aser Mombassa, Kenya nung aliba Lighthouse Eye Hospital nungia tenük majunger kar dak tendangtsü.
Consultant ophthalmologist Parwez Hossain-ia ashiba agi, “cornea ji millimeter tesadang ka dang lir aser komo kanga kara moraloka aotsü aser tenükjang raksatsütsü akok. Anungji mapang shitak nung anepalutsüla.”
UK nung küm shia corneal infections 6,000 shi puteter aser parnok rongnung asemsü contact lens agitsüsa akümer.