HNLC telungpur 5 puogo

Guwahati, September 20 (Agencies): Gajraj Corps kübok Red Horn Division pur sepaitemi Assam Police den longjemer meita aoba sentong ka kanga takok ngua agiogo, aser iba mapang nungi parnoki telungpur tesep ka makdoka liasü.
Hynnietrep National Liberation Council (HNLC) telungpurtem monga aliba osang tejengja ka angazükba sülen Red Horns Division & Police-i nung September 18 aser 19 tsüngda nung Assam kübok West Karbi Anglong District nung tesemtem meita ao. Telungpur ka apuba sülen ka khen ka khen ta poyunga or tangbo HNLC pur pongu pua lir. telungpurtemi Assam-Meghalya arrtsü anasa arem nung parnok indang tesep aliba dena metetdaktsüogo, kong prangbong injang aser bomb balala miima yua lir.
Police aser Army na senteper September 19nü arem meita aoba mapang nung telungpur tesep ka makdoka liasü. Parnoki iba tesep nungi G3 Rifles ana, 303 Rifle(Factory Made) ka, 7.62 mm Pistol (Factory Made) ka, Single Barrel Gun (Factory Made) ka, bomb yangludang amshiba oset seret 10, Detonators 40, injang 66 aser tanga hadirtem ngutetogo.
Temetettsükaji, anogo ana tejakdanga kasa telok nungi sepaitemi East Karbi Anglong District nung kasa meita aoba sentong ka kanga takok ngua agiogo, kong parnoki Kuki Liberation Front telungpur tesep ka makdoka liasü aser prangbong injang dena parnok telok nungi züngsem tejen ka apu.
Iba amala maparen ajanga telungpurtem tsübudaktsür aser yimjung meimba nüburtemi kanga pelashishia agizükogo.