NSF-i Principal Secretary, H&FW dang mepishir

Dimapur, September 22 (TYO): Nagaland nungi kaketshirtem Kr. Bendangjungla Pongen-i Lucknow nung private sponsored candidate ka ama MBBS züngya liasü, ajisüaka la NEET 2017 ajanga Nagaland sorkari NEC quota kübok Guwahati Medical College, Assam nung MBBS course azüngtsü shima liasü, ta NSF-i Principal Secretary, Health & Family Welfare dangi shidi ka züluba nung shia lir.
Iba nungji ajemdaker Kr. Bendangjungla-i Lucknow nung aliba college toktsür Guwahati Medical College nung la nem sorkari menden lemzüktsüba ama azüngtsü aru. Ajisüaka, GMC-i la nem admission mesüdaktsü. Iba kuliji Assam o Nagaland sorkartemi dang meteta alitsü, anungji tekaratiba nung bangdak ketdangsertemi iba onük GMC den tongteptsü mesüra tanga reju ka nung la züngdaktsütsü atema mapa inyaktsü mepishir, ta NSF tir Kesosul Christopher Ltu aser tongti zülur Imtiyapang Imsong nati shidi nungsa metetdaktsü.