Tsüngrem nung teimla

“Kechiyong asenok teimla nung kümzük saka anguba teimla masü, kechiyong kechi angur aji asoshi shibai imlar? Saka asenok asoshi manguba asoshi imlara, asenoki iba asoshi taremzük agi atar. ” (Rom 8:24,25)
Kanga dang teimlatsü maliba mapang ka nung imlaba dang teimla ta ashitsü akok, aser iba ama mapang ka nung teimlaji asen asoshi tashi akümer .
Tenyar Pauli ashi, taküm nung jashia alidang, tamakok aser teimla makaba mapang nung item tebilemtsütem koktettsü asoshi Tsüngrem nungi teimla angutsü sayur. (Rom 8:24, 25).
Paul-a pa taküm nung kodang timtem aser toushi ajuru pai Dawidi züluba 0 bilemtet, “0 kü nela, na kechiba temulung makar? Aser na kechiba tipmatemer?”(Tenüngsang Ken 42:11). Kodang asen taküm nunga teimlaji Tsüngrem den lidir khenkhen tamakok aser tebilemtsü agi atongdang iba jagi asen temulung ila makümer.
Tsüngremji asen mitsa aser lung, shibai anogoshia ne nüngdak peritsür. Kodang Paul aser Dawid na-a timtem aser tedendangba balala ajuru dang tenadi-a Tsüngrem dang teimla talubosa liasü kechiyong Tsüngrem parnok den dena lir ta amang.
Anungji na aser ni Tsüngrem dak dang teimla yudi. Shinokisa Tsüngrem dak imlar, pamok kecha agia manungtsü. “Aser ayongküm nung atemba süngdong, kobai pei tsüngküm nung pei tejang atanger, iba ama pa lir Pa toa mazülar; aser pai kechisa inyakdir azükarur.” (Tenüngsang Ken 1 :3)
Sarasadem : O Tsüngrem, Nü dak ozü teimla lir, Nai ni yariangma. Amen.