CM Mukul Sangma constituency ana nungi tokteptsü

Shillong, September 28 (Agencies): Meghalaya Chief Minister, Dr Mukul Sangma taruba election nung Songsak aser Ampati constituency nungi tokteptsü asoshi renemogo. Osang ajanga ashiba agi, tawa Garo Hills nung senden ka akaba mapang pai lokti dang pa constituencies balala ana nungi tokteptsüba osang sangdonga liasü.
Brehostibarnü MPCC nungia sangdong ka ajanga iba osang jangjashitsüogo. Osang ajanga ashiba agi, Chief Minister Songsak aser Ampati naprongla nungi tokteptsü atema party ticket apply süogo.
Osangbenertemi pa dang pa Songsak nungia tokteptsü metokteptsü, ta asüngdang dang, Songsak nung yimden yimsüsüba tsütsü temelenshi reprangtetra osang agütsütsü asoshi kecha nokdanga mali, ta Sangma-i langzü.
Osang ajangasa ashiba agi, Chief Minister-i Garo Hills semdangba mapang Songsak nung nübuyimba sentong nung shilem agiba ngua aruogo. Temetettsükaji Songsak constituency nung tang MLA ya NPP pur Nihim D Shira lir.
Taoba mapang nung Nationalist People’s Party (NPP) otongdar, James K Sangma-i ashiba agi, Chief Minister, Dr Mukul Sangma constituency ana nungi tokteptsüba atema telemtetba agiba ajanga 2018 assembly election nung pa jenjang mejangjai akümba sayur.