Asen lima merüktettsü asoshi raradi

– S. Toshi, Unity Village, Dimapur.

Langpangkong Kaketshir Mongdang (LKM) Clean Election Campaign Committee (CECC) ajanga Naga nunger temenen tera nungi anitettsü asoshi clean election tenzük, ibaji Tsüngremi shisatsü tulu agütsüogo ya tesüngmangtsü mapa ta nübur aikati bilemer. Tila ka dang amai tenzük saka Naga nunger ajaki ya junger ta agizüker, iba wadang nung Langpangkong nunger aser Aor-ji metdong lir, iba clean election otsü ya mirokmi ama Naga Lima ajak süngogo, adangji senso ajak shilem lir ta nübur ajaki rajemer.
LKM CECC-September 3rd 2016 nü Chuchuyimlang nung pangzüng renemer tenzükba maparen ajak takok ngua inyaker ta bilemer. Iba pangzüng nung Langpangkong tzükongsanger ajak nungi Yimten, Arogo aser tashi temetetertem ajak adenshir renemer alitsü saka reprangdangra asen lima nung anojungi election mechi gari, ki rongtsüba aser raratepba osang angashir, ibaji dang masü iba clean election nung yimtsüng sema sen yong vote mayoktsü ta senzür aser clean election nung tongti shilem agir karbo election-i aitsü ta jembiba ola angashir süra pa or la nükjidong kechi liasü ta süngmanga bilemer.
Anungji LKM CECC lenirtemi alima yanglushitsü, merüktettsü tenzük asü ? Koba nükjidong atema tenzük ? Asen Lima merüktettsü asoshi nü taküm mesüra kü taküm tenlar süra arungma takok angutsü asoshi tatem donga raradi aji süra na aser ni shidakba tangatetba nung temürek molungsentsü agi asen lima asoshi inyaker ta nüburtemi agizüktettsü.