Tsüngrem nem pelashishia agütsüba

“Nisung shia Kechi koda pei temulung nung mulungtet aji oda agüjang; saka nungnanga masü, kangshia masü, kechiaser Tsüngremi pelashishia agütsüba meimer”.
2 Korint 9:7
‘Agütsüba’ ya Khristan yimsü tamang tamendakdak lir. Agütsüba ya tamasa Tsüngremi kotak nung tenzük. (Yohan 3: 16). Asenokia Yisu meimba ajanga asen taküm, sempet aser rongsen Tsüngrem nem agütsütsü akanger. Tejen Lai mapang nung nüburtemi Tsüngrem dang ayimtena aser tenüngsang agütsü dang tarongba tenla agütsüba angur. Tasen Lai reprandangra, shiruru tenIa masü saka pei mang taküm tenIa Tsüngrem nem agütsütsüba shia lir (Rom 2). Anungji, Khristian yimsü tamendakdakji agütsüba. Aser, amangbapur teinyaktsü tongtibangbaji ‘agütsüba’, Tsüngrem nem taküm, rongsen aser sempet agütsütsübaji lir.
Kodang asen taküm aser rongsen, mesüra shiruru aser pei-i züsentetba tenla Tsüngrem nem agütsür, ‘tabensaba nung agütsübaji, inyaktetogo ta bilemer. Saka iba inyakba nungji ,Kechi temulungtetba agi Tsüngrem nem agütsür aji kanga dang tongtipang. Agütsübaji dang masü saka agütsüyim temulungteba shitak ali nung dang asenoki Tsüngrem nem ‘tabensaba nung agütsübaji jungkai adoktsü aser pa tsüngdang as en tenIa tagizüktetsü asütsü.
Sarasadem
Kibuba Yisu, Nai onok menen asoshi agütsü nung Nem tenüngsang agütsür. Amen