Gujarat Assembly elections anogo sangdongogo

New Delhi, October 25 (Agencies): Gujarat Assembly elections shilem ana lemsar- December 9 aser 14 anogotem agitsü ta Bodbarnü Election Commission (EC)-i metetdaktsü.
Mezüngbuba shilem nung Assembly constituency 89 aser tanabuba nung constituency 93 nung vote agütsütsü aser December 18, 2017 nü votes azüngtsü.
Election agitsü anogotem sangdongba sülen Gujurat nung Model Code of Conduct (MCC) mapa küma tenzükogo.
Elections nung Voter-Verified Paper Audit Trails (VVPATs) aser Electronic Voting Machines (EVMs) amshitsü, ta Chief Election Commissioner, AK Joti-i tanü ashi.
Vote agütsüba miimbangtsü atema voting compartment inch 24 nungi inch 30 ajungketogo, ta paisa ashi.
Candidate ka indang maximum expenditure ji sen lakh 28 asütsü ta latettsüogo, ta CEC-isa shisem.
Gujurat nung polling stations 50,128 aliba nungi 102 nungbo tetsürtemi ketdangsüa reprangtsü. Züngsem 182 agi akümba Gujarat Assembly indang kümsükji sangküm January 23 nü tembangtsü.
Election Commission-i Himachal Pradesh aser Gujarat nung agitsü aliba assembly elections anogotem külemi sangdongtsü ta imlaa liasü saka parnoki Himachal Pradesh indang anogotem dang sangdongba agi nisungtemi parnok aitsü.
November 9 nü Himachal Pradesh nung election agitsüba osangji October 12, 2017 nü sangdonga liasü, saka Gujarat indang election jibo December 18 matongdang agitsü ta dang EC-i metetdaktsü.
Election Commission aser BJP nati Gujurat nung Assembly elections mapang atsülangtsü atema tasa atonga inyaker ta Congress-i aitsü.
Prime Minister Narendra Modi aser BJP lennirtemi nübortem mesüzüktsü atema EC-i parnok nem mapang apulokja Gujarat nung election agitsü anogotem mesangdong, ta Congress-isa ashi.
Ajisüaka, CEC Joti-i, “Gujurat sorkari MCC mapa küma metenzükdang relief maparen tembanga inyaktsü atema mapa meshilok aser iba jagidang parnok nem mapang agütsü” ta metetdaktsüogo.