Dimapur District Citizens Forum-i khukhua aitsür

Dimapur, October 25 (TYO): Dimapur nung Rupak Singh ta ser nisung kati Naga tsür Alino Lotha tepsetba khukhua aitsür, ta Dimapur District Citizens Forum (DDCF)-i sangdong ka nung metetdaktsü.
Tangari tatishitsü süa agitsüsa, ozüng amertemi nisung tepsetsangji ozüng tesashi agi merenshitsü akhanger aser nisung shingaia aibelener bail nung agizüktsü memerangtsü mepishir, ta DDCF President, Joseph Lemtur aser Gen Secy, A. Rahman nati sangdong nung ashi.
DDCF-isa adianutsür Alino’er kibong den asükhu lemsateper aser la tanüla anisüngzük ngudakjang ta sarasademtsür ta sangdong nungsa metetdaktsü.