SFS-i nübotoka leper merüktettsü

Kohima, October 26 (TYO): All Souls’ Day anogomong atema renemba nüngtem nung St.Francis de Sales (SFS) Parish, Kohima Town-i ayongzüka October 28, 2017 nü nübotoka BSF Camp, Kohima anasa aliba leper merüktettsü, ta osang ka ajanga metetdaktsü.
Alima tesem ajaklen küm shia November 2 anogo nung All Souls’ Day amonger, aser iba anogo nung tamanger asürtem bilemteta aser asürtem tanela atema sarasademja amonger, ta sangdong ajangasa metetdaktsü.
Iba dak sendakba nung Parish-i ajak dang iba mapa tajung nung shilem agia adentsü mepishia jaokogo.
October 28 anepdang 9:00 ako nung Keziekie bus stand nung gari service agüja leper-i apusotsü, ta sangdong nungsa shia lir.