Manipur nung auertemi hon auya

Imphal, October 29 (Agencies): Police temi Deobarnü ashiba agi, Assam arrtsü nung Jiribam anasa nisung anati private gari ka nungi hon long ti auyar aoba aputsü asoshi meranga inyakdar.
Iba hon long ya sen jenjang crore 15 alang lir, aser iba ya tangar anati Manipur nungi shibelener oyalia auya. Hon bener alisang ana yagia police nem kecha tashishiba magütsü.
Iba osang ya police temi itangitertem nungi angazük. Southeast Asia linük tem nungi hon ya Moreh ajanga shibelener. Moreh ya Manipur aser Myanmar arrtsü nung shishilembadak tesem ka lir.
Assam Rifles sepaitemi mapang aben Myanmar den India sendaktepba Trans Asian Highway nung ya hon shibelener oya alibatem apur.
Police osang ka ajanga ashiba agi, auertem ya hon shibelenba nung sendaka aliba telok tanga nungi asütsü südi, aser parnoki hon shibelener oya aliba osang angazüka len tom nung auya asütsü südi.