Nübortemi telemtetba agitsü yongyar: P.B Acharya

Dimapur, October 31 (TYO): Rashtrapati Bhavan, New Delhi nung 48 buba Conference of Governors nung o jembidang Nagaland Governor, PB Acharya-i President, Prime Minister aser Home Minister nunger dang küm 60 tema Naga yimten tebilemtsü latettsü atema mapa inyakba atema pelaba metetdaktsü.
Yimjung olemtep tim lenmang nung odar aser tekaratiba nung telemtetba ka angutsü imlar. Nagaland state nung alirtemia telemtetba ka agitsü atema kanga yongyar, ta Governor Acharya-isa ashi.
Acharya-isa Nagaland nung zünger mapa manguba lanurtem atema tebilemba abenba lemsatep.
Naga yimten tebilemtsü latetba ajanga Nagaland nung terenlok bener arutsü aser tejakleni aotsü. Iba ajanga Naga nunger lanurtem mapa aser teyari aika angutsü, ta paisa shisem.