LPG cylinder ka nung sen 4.50 atur

New Delhi, November 1 (Agencies): Bodbarnü LPG cylinder (subsidised) ka nung sen 4.50 tuogo aser iba ya July 2016 nungi 19 benbuba ajungketer asütsü.
Maneni sorkar meyong totzü company temisa jet fuel (ATF) jenjang noklang nung shilem ana ajungket aser iba ya taküm August nungi pezübenbuba tuogo.
Company temisa non-subsidised LPG cylinder ka nung sen 93 ajungket aser ibaji cylinder ka nung sen 742 asütsü. October 1, 2017 nü jenjang reprangshimdang non-subsidised cylinder ka nung sen 50 ajungketa liasü.
Indian Oil Corporation official website ajanga ashiba agi, November 1, 2017 nungi Delhi nung subsidised LPG cylinder ka nung sen 495.69, Kolkata nung sen 498.43, Mumbai nung 498.38 aser Chennai nung sen 483.69 agi ayoktsü.
Maneni, non-subsidised LPG cylinder tem Delhi nung sen 742, Kolkata nung sen 759.5, Mumbai nung sen 718.5 aser Chennai nung sen 750 agi ayoktsü, ta IOC website nungsa shia lir.