Guwahati nungi Singapore tashi tayimtsü yakta tenzüktsü

Guwahati, November 2 (Agencies): Assam Chief Minister Sarbananda Sonowal-i Singapore Foreign Affairs Minister Vivian Balakrishnan dang tesendaktep tsütsü aser shishilembaba tali ajungkettsü asoshi, Singapore nungi Guwahati tashi indang indanga ayimba tayimtsü agütsütsü asoshi mepishi.
“Singapore den tatimtsü ajanga tesendaktep tajung yangluba ajanga Assam asoshi lenmang sadema lapoktsütsü. Assam nem alirongsen aser ali temo moaja lir. Onoki shishilembartem nem teyari balala agütsütsü onok indang tourism policy amenokogo,” ta Sonowal-i ashi.
Sonowal-isa ashiba agi, Assam aser Singapore na tsüngda tayimtsü ajanga sendaktepba ajanga waliraliba ren nung jenjang tajungba küma ajungkettsü, aser shishilembaba tsütsüa tali renlokyonga aotsü.
Chief Minister Sonowal-i Global Investors Summit nung Singapore dang state partner asütsü asoshi mepishi. Iba summit ya February 3 aser 4, 2018 nung akatsü.
Balakrishnan-i ashiba agi, pai Assam semdangba ajanga Assam aser Singapore na tsüngda tarutsü nung maneni tesendaktep tajung nung aotsüba asoshi maongka tasen aika lapoktetogo