Centre-i ano IGI Airport nung immigration counter 55 amenoktsü

New Delhi, November 02 (Agencies): Linük yimtiba, Delhi nung aliba Indira Gandhi International Airport nung nisung aika tarensena nokdakba ajanga timtem ajangshiba tebilemtsü reprangteta Union home ministry-i 2018 küm January ita tashi nungbo ano immigration counters talila 55 amenoktsü lemtetogo, aser item rongnung counter 20 bo tan ita nungsa tembanga inyaktsü.
Bodhbarnü Union home secretary, Rajiv Gauba leniba nung ketdangsertem senden ka mena liasü, aser iba senden nung Delhi International Airport Ltd (DIAL) aser Bureau of Immigration (BOI) na nungi ketdangsertemi November 20 anogo tashi nungbo immigration counters tasen 10 yanglutsü lemtet.
Electronic visa bener arur bendangertem atema taküm November 30, 2017 nü tashi nungbo e-visa counter 10 yanglutsü.
Ano sangküm January ita tashi nung e-visa counters 25 yanglutsü lemtetogo.
“Iba ya ajanga electronic visa alir bendangertem anisüngzüktsü,” ta tanü home ministry ketdangser kati metetdaktsü.
DIAL ajanga immigration counters 20 asoshi tesem agütsütsü aser BOI-i manpower, computers, passport reading machines aser web cameras agütsütsü.
BOI-i IGI Airport nung immigration services tajungtiba agütsütsü atema sepai tali 1,800 agütsüsemtsü, aser iba atemaji mapa tazüng aliba atema sepaitem shimoktsü aser central armed police forces aser ex-servicemen naprongla nungia sepaitem shimoktsü.
Iba senden mamendang home ministry aser BOI naprong nungi ketdangsertemi iba Airport semdanga lenla balala asadanga liasü.