Meghalaya nung NPP-i Congress atsüngdoktsü

Shillong, November 3 (Agencies): Taruba Meghalaya Assembly election nung National People’s Party (NPP)-i Congress atsüngdoktsü ta metetdaktsüogo.
“Onoki taruba elections atema sentong atongdar aser Congress atsüngdoka ajak süngmangdaktsütsü. Congress-i tamakok nguyonga arudar aser parnok MLA temia party dang temulung melemteti kümogo” ta NPP state president, W R Kharlukhi-i ashi.
Meghalaya nung Congress lennir ana – Deputy Chief Minister R C Laloo aser Health Minister Roshan Warjri nati sangküm state Assembly elections nung shilem magitsü ta ashiba sülen NPP lenniri iba osang metetdaktsü.
Sangküm Assembly election nung parnoki menden 50 shi ka nung tokteptsü ta NPP president-isa shisem. Meghalaya Assembly nung MLA menden 60 lir.
Takok angutsü ta asüba candidate tem dang shimtsü aser state yimtiba Shillong nung aliba constituency 4 nungbo tetokteper malitsü, ta Kharlukhi-isa shisem.
Tang Meghalaya Assembly nung NPP MLA ana lir.