Kaketshirtemi nisung tepsetba mapa aitsür

Dimapur, August 26 (TYO) : Dimapur nung Longjang nunger kaketshir ka tenüng agi Wb.Tiasünep Aier mejangjatetba nisung kari August 22, 2015 aonung zükseta südaktsüba mapaji kanga sashia aitsür ta Ao Kaketshir Telongjem, Dimapur aser Longjang Kaketshir Telongjem, Dimapur nati sangdong balala nung metetdaktsü.

Asür Tiasünep ya Dimapur nung Grace Colony, Lengrijan nung alir ka liasü. Pa dak nisung kari August 22 aonung kanga mejungi züker toktsü aser iba jagi pa süa adok.

Kaketshirtem telongjem anati ozüng amertem dang akok tashi tekaratiba nung nisung zükseta südaktsürtemji aputsüla aser ochi obendang agütsütsüla ta mepishia metetdaktsüogo.

Parnokisa sensosanger ajaki iba ama ozüng raksaba mapa tamajung ya aitsütsüla ta metetdaktsü.

Kaketshirtem telongjem anapronglai asür kinüngertem den mangyim jashi lemsateper aser Tsüngremi dang tesünep agüjang ta sarasadema metetdaktsü.