De Villiers tekaraba mapang nung 8000 ODI Runs agir batsman kümogo

Durban, August 26 (Agencies): Tang Durban nung New Zealand den tasayadak 3 buba One-Day International (ODI) asaya nung shilem agir, AB de Villiers-i Sourav Ganguly, Sachin Tendulkar aser Brian Lara nunger densemba batsman mongintemi yangluba otsü ajangteta tekaraba mapang nung ODI runs 8000 yanglur batsman tanü Bodbar nü kümogo.

De Villiers-i 182 buba innings nung runs 8000 dak tema yanglua India batsman, Ganguly den inning 18 agi tekaraba aser Tendulkar den inning 28 agi tekaraba mapang nung runs 8000 yanglur küma alima ajunga nung ODI runs tekaraba mapang nung agir aküm.

Ganguly-i 200 buba ODI innings West Indies den Nagpur nung 2002 küm asayadang runs 8000 yanglur aküm aser pa jakdang, Tendulkar-ia 2010 buba ODI innings Pakistan den 1999 küm asayadang runs 8000 yangluteta liasü.

De Villiers-i tanü otsü yangluba den külemi, pai taoba mapanga tekaraba mapang nung ODI runs 50, runs 100 aser runs 150 yanglur otsü nguteta lir.

Taküm January ita West Indies den asayaba 2 buba ODI asaya nung de Villiers-i ball 31 nung century yanglua New Zealand nunger Corey Anderson-i 2014 küm January 1 nü ball 36 nung century yangluba otsü ajangteta liasü.

Kasa asaya nung de Villiers-i inning 1 nung six 16 yanglua Rohit Sharma-i Bangalore nung 2013 küm yangluba inning 1 nung six 16 yangluba otsü menep.

2015 ICC Cricket World Cup nunga de Villiers-i tekaraba mapang nung ODI runs 150 yangluba otsü ajangteta liasü.