NE nüburtem atema Air ambulance service tenzükogo

Guwahati, November 17 (Agencies): Assam Transport, Industries and Commerce Minister, Chandra Mohan Patowary-i Brihostibarnü NEDFi (North Eastern Development Finance Corporation Ltd) House, Dispur nung Guwahati nungi senzütsü atema air ambulance service tenzüktsüogo.
Delhi nung amenoka aliba Flaps Aviation Private Ltd indang air ambulance service ji Delhi nung amenoka aliba Flaps Aviation Private Ltd-i air ambulance service ji Guwahati nungi “Book Air Ambulance” brand tenüng nung achaayangtsü. Air ambulance nungji rongdak medical osettem lir aser tayimtsü nung shirangertem reprangtsü atema medical team ka lir.
Iba service tenzükja Minister, Patowary-i, iba air ambulance service ajanga Assam aser Northeast nung alirtem atema anemaalibaren tsütsü jenjang tajungba ka alangzüktsü imlar, ta ashi.
“Air ambulance ji Guwahati airport nung amenoka ayutsü, anungji ibaji ajanga iba tayimtsü nung senzüba senotsüji tesadang agi tajemba asütsü. Tamalenbo Guwahati nungi shiranger ka linük yimtibai (Delhi) anir aotsü atema ambulance ka Delhi nungi arutsüsa aküm,” ta paisa ashi.
Minister-isa, Assam sorkari External Affairs aser Civil Aviation Ministry na dang Regional Connectivity Scheme (RCS) kübok ASEAN linüktem Guwahati den tayimtsü agi sendakteptsü atema mepishiogo, ta metetdaktsü.