Tebang mechi chimar alirtem angati surgery agitsü

Kohima, November 17 (TYO): Oking Hospital, Kohima nung November 15-17 anogotem nung 32buba Mission Nagaland sentong ayonga agidang state nung tebangmechi chimar alirtem nem angati surgery agitsüogo.
Shija Group of Hospitals, Imphal nungi doctor temi Myanmar Naga nunger ka densema Nagaland tesem balala nungi tebangmechi chimar alirtem nem angati surgery agitsü, ta Shija Hospital group nungi smile train surgeon, Dr. Kh. Palin-i metetdaktsü.
Mission Nagaland kübok Smile Train Cleft Shija Project den Oking Hospital Kohima senteper tang tashi nung state nung tebangmechi chimar alir nisung 600 dak tema surgery agitsüogo, ta paisa ashi.
Iba treatment ji angati asütsü, aser iba nungji angati mozü, angati surgery aser travelling allowance densema lir, ta pai metetdaktsü.
Taruba angati surgery camp agitsü anogoji 2018 küm February ita nung sangdongtsü, ta paisa metetdaktsü.