Nagaland CM-i ‘Jhum’ sentong nung o jembitsü

Dimapur, November 19 (TYO): November 20, 2017 nü Nagaland Chief Minister, TR Zeliang ‘Roundtable on sustainable management of Jhum’ sentong nung o jembitsü.
Iba sentong ya Nagaland sorkar aser DONER, GOI nati IFAD den yaritepa Hotel Acacia, Dimapur nung ayongzüka agitsü.
Sentong nung IFAD nung India nungi teshimtet nübo, Rasha Omar-i tesentepertem pelaa agizükba den okila jembitsü aser APC & Principal Secretary, Government of Nagaland-i anküp tepela o jembitsü.
Sentong nungsa ADG, ICAR, Dr. Randhir Singh Poswal aser Country representative FAO, Shyam Khadka nati ‘Climate change and agriculture’, ‘the importance of Jhum improvement’ aser ‘upland farming systems and food security’ onüktem jembitsü.