5buba Northern Angami-I T20 Bash: North Block & Lower L Khel puri kokogo

Kohima, November 27 (TYO): Brotherhood Group puri ayongzüka KVC Ground, Ziekezou nung tang tasayadak 5buba 10 Northern Angami-I T-20 Bash tanü asaya nung North Block Warriors aser Lower L Khel Vikings puri pei tata asayaa koka full point ngutetogo.
Tanü asaya mezüngbuba nung North Block Warriors puri run 95 agi Kenouzoy Wolves madak takok nguogo. Mezüng bat asütsü asoshi shimtetba sülen North Block puri over 20 nung wicket 6 out sür run 215 yanglu. Parnok rongnungi Wabangbai run 71 azük aser Renjanthung-ia run 71 azük. Run arishiba nung Kenouzou Wolves puri over 19.1 nung run 119 dang yanglutet. Parnok rongnungi Japu-i run 17 yanglutet. North Block pur bowler Khriesavituo-i wicket pongu agi, aser kasa mapang nung Wapangba nem pai run azükba aser wicket a ka agiba atema man of the match agütsü.
Tanabuba asaya nung Lower L Khel Vikings puri wicket 7 agi Middle Bayavü Lions pur madak takok nguogo. Mezüng bat asüba nung Middle Bayavü puri over 18.2 buba nung wicket ajak out sür run 110 yanglutet. Parnok rongnungi Yandang-i run timtiba yanglutet, pai run 16 yanglu. Lower L Khel pur bowler Merenba aser Atsungba nati wicket asemsem agi. Run arishiba parnok aoshi kecha tasak masü asü, aser parnoki wicket asem out sür over 14.4 nung Lions puri yanglua aliba run menep. Sanyu aser Atsungba nati run 33 aser 13 ta yanglur out mesüi iba asaya akok. Iba asaya nung Atsüngba nem man of the match award agütsü
November 28 nü asaya yamai alitsü:
T Khel Knights vs Upper L Khel Riders @ 9:00AM
Zienuobadze High Flyers vs P Khel Eagles @ 12:30PM