China-i 1 buba World Athletics gold agizükogo

Beijing, August 28 (Agencies): Tang Beijing nung tasayadak world athletics championships asayamong tetsür kilometer 20 toktepa jajaba shilem nung China tsür, Liu Hong-i tekaraba mapang nung alizüng tonga gold medal tanü Hokolbar nü agizükogo.
Liu-i tanü gold medal agizükbaji lar China-i tan asayamong nung mezüngbuba gold medal agizüker lir.
Liu-i tanü ghonda 27 ser minute 45 nung alizüng tonga mezüngbuba jenjang angu.
Külem sensotsür, Lu Xiuzhi-i Liu sülen alizüng tonga silver aser Ukraine tsür Lyudmyla Olyanovska-i Lu den second 28 agi temonoba mapang nung alizüng tonga tanü bronze medal agizük.
Tebur decathlon tetoktepba nung America nunger Ashton Eaton-i gold medal agizükba osanga jangjaogo.
World record yanglur aser defending champion, Eaton-i tetenzükba 100m minute 10 ser second 23 nung asemba sülen longjump shilem nung metre 7.88 talang alem aser shotput-a meter 14.53 talang ondokba sülen points 2,830 ngua tanü gold medal-ji agizük.
Canada nunger Damian Warner-i points 2,747 ngua silver aser Germany nunger Rico Freimuth-i points 2,730 ngua bronze agizüka liasü.